SAKHA.EDUCATIONОфициальный сайтСетевой город. ОбразованиеМинистерство образования и науки РС(Я)

07/05/2020МАЙА ЛИССИЭЙИН ҮӨРЭНЭЭЧЧИЛЭРЭ ЭМЧИТТЭРГЭ БЭЛЭХ ОҤОРДУЛАР

И.Г.Тимофеев аатынан Майа лиссиэйин технология уонна черчение учуутала Петр Птицын үөрэтэр оҕолорун кытары вирустан сирэйи харыстыыр мааскалары 3D принтерга оҥорон таһааран Майатааҕы поликлиника быраастарыгар бэлэх биэрдилэр.
И.Г.Тимофеев аатынан Майа лиссиэйин 9 кылааһын үөрэнээччитэ Айсен Стручков идиэйэтинэн, лиссиэй выпускнига, ХИФУ устудьуона Уххан Андреев уонна 6 кылаас үөрэнээччитэ Ваня Птицын аныгы технологияны туһанан 3D принтерга пластик матырыйаалтан сирэйи сабар маасканы бэчээттээн таһаарбыттар. Коронавирус ыарыыта тарҕаммытынан оҕолор миэдиктэри харыстыыр сыаллаах толкуйдарын учууталлара Петр Птицын өйөөбүт. Уопсайа 10 устуука 3D мааскалары Майа поликлиникатын быраастарыгар уонна суһал көмө массыына суоппарыгар бэлэхтээтилэр. Оҕолор пластик матырыйаалтан оҥорбут мааскаларын Компас 3D диэн анал бырагыраамаҕа оҥорбуттар. Бастаан үөрэтэн-чийнчийэн, суоттаан-учуоттаан баран үһүс сырыыларыгар табыллыбыт.
Майатааҕы поликлиника үлэһиттэрэ балыыһаҕа дьон кэлиитин аччатар сыалтан дьиэҕэ ыҥырыынан сылдьан үлэлииллэр. Онон эмчиттэргэ маннык анал харыстыыр мааскалар бэриллэн эбии көмө буолуоҕа. Аан дойдуга тарҕаммыт дьаҥы утары бүтүн нэһилиэнньэ эмчиттэргэ көмөлөһөн, бэйэлэрин сэмэй кылааттарын киллэрсэллэригэр доруобуйа харыстабылын үлэһиттэрэ махталларын биллэрэллэр.





Зоя ГЕРАСИМОВА.
ПочтаПозвонитьx
08:30 – 19:40, выходной воскресенье

Телефон/факс

+7 (4114) 34-11-40

Неразрешимых проблем не бывает!

Телефон доверия

8 800 2000 122